ՀՀ դեսպան Վահագն Աֆյանի մասնակցությունը Համաշխարհային գործարարության հնդկական ֆորումի (GIBF) կողմից կազմակերպված Գործարարության գերազանցության ազգային ամենամյա մրցանակաբաշխությանը

18 հունվարի, 2025

Հնդկաստանում ՀՀ դեսպան Վահագն Աֆյանը մասնակցել է Համաշխարհային գործարարության հնդկական ֆորումի (GIBF) կողմից կազմակերպված Գործարարության գերազանցության ազգային ամենամյա մրցանակաբաշխությանը։

Միջոցառմանը, որին ներկա էին Նյու Դելիում հավատարմագրված մի շարք երկրների դեսպաններ և դիվանագիտական առաքելությունների, ինչպես նաև Հնդկաստանի պետական և մասնավոր հատվածների, փոքր ու միջին ձեռնարկատիրությունների ներկակացուցիչներ տեղի են ունեցել պարգևատրումներ, ներկայացվել են ներդրումային և գործարարության հնարավորություններ։

Լրագրողների հետ կայացած ճեպազրույցին դեսպան Վ. Աֆյանն, անդրադառնալով ՀՀ կառավարության «Խաղաղության խաչմերուկ» նախագծին և «Ակադեմիական քաղաք» ծրագրին, ինչպես նաև Հայաստանի տնտեսության արագ զարգացող, այդ թվում՝ տեղեկատվական տեխնոլոգիաների և զբոսաշրջության ճյուղերին, հնդկական ընկերություններին կոչ է արել ակտիվ ներգրավվածություն ունենալ «Էնթերփրայզ Արմենիա» ներդրումների աջակցման կենտրոնի հետ՝ կարևորելով երկկողմ առևտրատնտեսական համագործակցության ներուժի արդյունավետ իրագործման համար գործարար հանդիպումների և համաժողովների պարբերաբար անցկացումը։

Միջոցառմանը կայացել է նաև «The Business Tycoons» ամսագրի վերջին թողարկման շնորհանդեսը, որում վերոնշյալին համահունչ տեղ է գտել նաև ՀՀ դեսպանի ողջույնի խոսքը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր